Нидерландия ҳукумати Туркия бош вазирининг ўринбосари Тўғрул Туркашни нон-грата шахс деб эълон қилди. Амалдор Нидерландиядаги турклар муваффақиятсиз якунланган ҳарбий тўнтаришнинг бир йиллигига бағишлаб ўтказаётган маросимда иштирок этмоқчи эди, деб хабар қилади «Корреспондент.net».
Гаагада эълон қилинган баёнотда айтилишича, Туркашнинг ва Туркия ҳукуматининг бошқа вакилларининг иштироки мамлакатлар ўртасидаги муносабатларнинг бугунги аҳволида мақсадга мувофиқ эмас.
Март ойида Нидерландиядаги парламент сайлови арафасида мамлакат ҳукумати туркиялик сиёсатчиларнинг ташвиқот мақсадида мамлакатга келишини тақиқлаган эди.