Дунёдаги энг эски аэропорт яқинда ўзининг 116 йиллигини нишонлади. Бугунги кунда дунёда 100 йилдан ортиқ фаолият кўрсатиб келаётган бир неча ўнлаб аэропорт мавжуд. OneTwoTrip дунёдаги энг эски аэропортлар жамланмасини тақдим этди.
Схипхол, 1916 йил, Нидерландия
Амстердамнинг асосий аэропорти ва Европанинг муҳим давозаси ҳисобланган Схипхол ўз тарихини 1916 йил 16 сентябрдан бошлаган. 1920 йилгача ҳарбий аэродром бўлган, замонавий аэропорт ўрнида эса Амстердам мудофаа иншоотлари тизимига кирувчи Схипхол қалъаси бўлган.Аэропортда атиги битта, лекин улкан терминал бор. Терминал майдони жиҳатдан дунёдаги энг йирик бинолар ичида 16-ўринда туради. Терминалда бир-бирига боғланган учта зал бор.
Аэропорт Европадаги энг замонавий ва қулай аэропортлардан бири бўлиб, унда дам олиш ҳудудлари, кутубхоналар, ўйин хоналари, кўп сонли дўконлар, кафелар, ресторанлар ва бадиий кўргазмалар бор. 2006 йилдан бошлаб аэропортда ФҲДЁ бўлими ишлай бошлаган.
Жованни Баттиста номидаги Рим-Чампино аэропорти, 1916 йил, Италия
Италиядаги энг эски аэропортга Биринчи жаҳон уруши машҳур учувчисининг номи қўйилган. Бироқ у шунчаки ўзи жойлашган ҳудуд — Чампино номи билан аталади. Иккинчи жаҳон уруши вақтида аэропорт иттифоқчилар қўшинлари томонидан эгаллаб олинган ҳамда юклар ва қуролли кучларни етказиб бериш учун хизмат қилган.Бугунги кунда Чампино ички ва чартер рейслари учун фойдаланилади. Халқаро парвозлар учун 1960 йилда Фюмичинода Леонардо да Винчи номидаги аэропорт қурилган. Аэропорт йилига беш миллион нафаргача йўловчини қабул қилади. Аэропортда иккита терминал бўлиб, бири учиб кетиш ва учиб келувчи рейсларга хизмат қилса, иккинчи хусусий парвозларга мўлжалланган.
Дон Муанг халқаро аэропорти, 1914 йил, Таиланд
Аэропорт 1914 йил 27 мартда ҳарбий ҳаво кучлари базасида очилган. 2006 йилгача Дон Муанг мамлакатнинг асосий аэропорти бўлган. 2012 йилда аэропорт қайта таъмирланди ва ҳозирги кунда давлат, чартер ва ички рейслар учун фойдаланилади. Аэропорт бир йилда тўққиз миллион кишини қабул қилиш имкониятига эга.Аэропортда иккита терминал бор. Бири маҳаллий рейслар, иккинчиси халқаро парвозларга хизмат кўрсатади.
Аурел Влайку номидаги Бухарест Бэняса халқаро аэропорти, 1912 йил, Руминия
Аэропорт Бухарестдан 8,5 км узоқликдаги Бэняса туманида жойлашган. 1968 йилга қадар у Руминиядаги ягона аэропорт бўлган.Бэнясада дастлабки парвозлар 1909 йилда амалга оширилган. 1912 йилда аэропортда Руминиядаги биринчи учиш мактаби очилган, бу аэропортнинг очилиш санаси ҳам ҳисобланади.
Аэропортнинг замонавий биноси 1940 йиллар охирида қурилган ва 1952 йилдан буён фаолият кўрсатади. Бу Бухарестнинг меъморий ёдгорликларидан бири ҳисобланади.
2012 йилдан йўловчилар сонининг ошиб кетиши натижасида аэропортга келувчи рейслар кескин камайган. Аэропорт атрофида жойнинг камлиги сабабли янги терминал қуришнинг иложи йўқ.
Гамбург халқаро аэропорти (Гельмут Шмидт аэропорти), 1911 йил, Германия
Дунёдаги энг эски аэропорт бугунги кунгача савдо рейсларини қабул қилади. У 1911 йил январь ойида очилган.Аэропорт Гамбургдан 8,5 км узоқликда жойлашган. ХХ асрнинг охирида аэропортни шаҳардан янада узоқроққа кўчириш режалаштирилган, бироқ уни қайта таъмирлаш билан чекланилган. Янги маъмурий бинолар ва инфратузилма объектлари қурилган.
Аэропортда иккита терминал ва иккита учиш-қўниш йўлаги бор. Европа мамлакатлари, асосан, Скандинавия мамлакатлари рейсларига аэропортда хизмат кўрсатилади. Йўловчи қабул қилиш қуввати бир йилда 13 миллион кишини ташкил қилади.
2016 йилдан бошлаб аэропорт Германиянинг бешинчи канцлери Гельмут Шмидт номи билан аталади.