Футбол бўйича Англия Премьер-лигасининг 35-турига келиб тақдирга тан берган илк жамоа номи аниқ бўлди — «Сандерленд».
Тайн-энд-Уир графлигига қарашли бўлган мамлакатнинг энг шимолидаги клуб ўз майдонида «Борнмут»га имкониятни бой берди. Мавсум якунига уч тур бор бўлса-да, энди «Сандерленд» жон сақлаб қоладиган поғонада турган «Халл Сити»га ета олмайди.
«Сандерленд»га ўз вақтида «Эвертон», «Манчестер Юнайтед» ва «Реал Сосьедад» клубларига устозлик қилган Дэвид Моес бошчилик қилаётганди. Унга жамоани Чемпионшип лигадан олиб чиқиш учун имконият бериладими ёки истеъфога чиқариладими — аниқ эмас.
Эслатма. Ҳафта ўртасида Рафаэль Бенитес «Ньюкасл» клубини Премьер-лигага қайтаришга муваффақ бўлганди. Бенитес ўтган мавсум клубни АПЛда олиб қола билмаса-да, «Ньюкасл» уни истеъфога чиқармаганди.
Англия Премьер-лигаси 35-тур ўйинлари 29 апрель, шанба
«Вест Бромвич» — «Лестер» 0:1
Гол: Жейми Варди, 43 (0:1).«Сандерленд» — «Борнмут» 0:1
Гол: Жошуа Кинг, 89 (0:1).«Саутгемптон» — «Халл Сити» 0:0
Ноаниқ пенальти: Душан Тадич, 90+1 (С).«Сток Сити» — «Вест Ҳэм» 0:0
«Кристал Пэлас» — «Бёрнли» 0:2
Голлар: Эшли Барнс, 8 (0:1). Андре Грей, 85 (0:2).30 апрель, якшанба«Манчестер Юнайтед» — «Суонси» — 16:00«Мидлсбро» — «Манчестер Сити» — 18:05«Эвертон» — «Челси» — 18:05 «Тоттенҳэм» — «Арсенал» — 20:30
1 май, душанба«Уотфорд» — «Ливерпуль» — 23:50
Изоҳ (0)