Евро—2016 трансляцияси ҳуқуқини сотиб олмаган «Спорт» телеканали Америка Кубоги ўйинларини намойиш этади

3 июнь куни старт оладиган Америка Кубоги—2016 футбол турнири учрашувлари «Спорт» телеканали орқали намойиш этилади. Бу ҳақда ЎзМТРКдан ТВ-дастурлар олувчи «Эрудит Спорт» газетасининг сайти маълум қилди.

6—12 июнь учун «Эрудит Спорт» газетасига берилган ТВ-дастурларда ёзилишича, «Спорт» ТВ Америка Кубоги—2016 учрашувларини жонли эфирда намойиш этади. Ушбу баҳсларнинг бошланиш вақти бизнинг вақт билан асосан тонг саҳарга тўғри келаётганлиги боис, марказий учрашувлар кундузги ва кечги эфирларда ҳам такроран намойиш этилади, деб ёзилган хабарда.

Америка Кубоги мусобақасининг 100 йиллиги учун АҚШда ўтказилаётган турнирнинг трансляция ҳуқуқи телеканал томонидан қўлга киритилган. Қайд этиш керак, «Спорт» ТВ Евро—2016 мусобақасининг трансляцияси ҳуқуқини сотиб олмаганди.

• UzReport TV Евро—2016 учрашувларини трансляция қилади

• Футбол бўйича Америка Кубоги–2016 турнирига қуръа ташланди