Hemmings машиналар коллекциясининг сотуви ҳақидаги эълонлар сайтида президент лимузинининг прототипи бўлган, 2012 йилда чиқарилган ZIL-4112R машинаси пайдо бўлди. Автомобиль 1,2 миллион долларга баҳоланган, деб хабар беради «Motor».
Ўшанда Владимир Путин машинани шахсан синовдан ўтказиб кўрганлиги, бироқ лимузин унга маъқул келмаганлиги маълум қилинган эди. Бироқ кейинчалик ушбу маълумот нотўғри эканлиги хабар қилинган.
Путин дизайнни танлашда ва янги машинани жиҳозлашда иштирок этмаётганлигини таъкидлаган эди.
2013 йилнинг баҳорида президент лимузинининг дизайни интернет орқали овоз бериш ёрдамида танланган эди. Путин макет билан танишиб, уни ижобий баҳолаган эди.
ZIL-4112R автомобилларни қайта таъмирлаш ва қўшимча жиҳозлаш билан шуғулланувчи «Депо-ЗиЛ» хусусий компанияси томонидан тайёрланган. Машина салони ва кузови қайтадан лойиҳалаштирилган. Муҳандислар унинг оригинал моделидаги фақат копот ва эшик тутқичларидан фойдаланган.