Forbes талқини бўйича 2015 йилнинг энг қизиқарли стартаплари, 1-қисм

Кремний водийсининг венчур сармоядорлари стартапларга инвестиция киритишда давом этмоқда. 2015 йилнинг Forbes томонидан танлаб олинган ва ушбу мақолада ёритилган энг яхши стартаплари ҳисобот даврида 7 миллиард доллардан ортиқ маблағни жалб қилди ва 120 миллиард доллар қийматга яқинлашди.

1. Slack

Инвесторлар томонидан берилган баҳоси: 2,8 миллиард доллар.

Slack Technologies — 1,1 миллион фойдаланувчига эга бўлган, онлайн тарзда жамоа бўлиб ишлаш сервиси. Лойиҳанинг асосий ўзига хос жиҳати — Slackbot ёрдамчи аватари бўлиб, у маслаҳатлар ва кўрсатмалар бера олади. Кўплаб корпорациялар ходимлари мулоқоти учун айнан Slack’дан фойдаланади.

2. Porch

Porch дастлаб таъмир учун ғоялар базасидан иборат бўлган. Бироқ 2013 йилда ишга туширилганидан кейин, у таъмир ишлари учун маҳоратли усталарга эҳтиёжманд кишилар ва шундай профессионалларни бирлаштирувчи платформага айланди. Сиэтлдаги компания портфолиоси 3,2 миллион мутахассис, 132 миллионта шартнома ва 100 миллион доллар венчур капиталидан иборат. Агар кўрсатилган хизматлар сифати қониқарсиз бўлиб чиқса, Porch барча мижозларга 1000 долларлик суғурта тақдим этади.

3. OfferUp

Инвесторлар томонидан берилган баҳо: 814 миллион доллар

OfferUp’га 2011 йилда Сиэтл ташқарисида асос солинган, ўшандан буён у 90 миллион долларлик инвестицияларни жалб қилиб улгурган. Бу олди-сотди эълонлари тахтаси бўлиб, оммабоплиги сири сервиснинг қулайлиги ва оддийлигида: мобил дастурда маҳсулот суратини тезкорлик билан юклаш, чат орқали потенциал харидор билан боғланиш ва осонгина келишиб олиш мумкин. Шу йилнинг ўзидаёқ платформа орқали 3 миллиард долларлик транзакциялар ўтди.

4. PicsArt

Инвесторлар томонидан берилган баҳо: 250 миллион доллар

PicsArt — 2011 йилда арман тадбиркор Ованес Авоян томонидан асос солинган фоторедактор. Дастур дастлаб Android-смартфонлар фойдаланувчилари ўртасида оммалашган бўлса, энди iOS оламида ҳам ўз ўрнини топмоқда. PicsArt’нинг фаол фойдаланувчилари сони 65 миллионга етган. PicsArt ижтимоий тармоқ тамойили эмас, витрина тамойили бўйича фотосуратларни таҳрирлайди, бунда барча фойдаланувчилар ўз фотосанъатини намойиш этиши мумкин.

Давоми бор…

Forbes маълумотлари асосида тайёрланди.

Лойиҳа «Дарё» ва StartupFactory.uz томонидан ишга туширилган.