«Барселона» ҳимоячиси Даниэль Алвес «Вилярреал»га қарши кечган учрашувда ўзига банан отган мухлисни кечирилишини сўради. Бу ҳақда Uff.uz хабар берди.
«Албатта, жазо бўлиши лозим, аммо ёвузликка ёвузлик билан жавоб қайтариб бўлмайди. Одамларни тарбиялаш керак, аммо бундай услубда эмас. Кечиришга қодир бўлган инсонларгина кучли бўлади. У оилали инсон экан, оиласини боқиши лозим. Шунинг учун у қамалмаслигини сўрайман», — дейди Алвес.
Эслатиб ўтамиз, 26 ёшли Давид Лео полиция томонидан қўлга олинган ва қамоқ жазосига ҳукм этилиши мумкин. «Вилярреал» клуби эса унга бир умр стадионга киришни тақиқлаб қўйган.
Изоҳ (0)