O‘zbekiston prezidenti yordamchisi Saida Mirziyoyeva Yevropa Ittifoqining Markaziy Osiyo bo‘yicha maxsus vakili bilan uchrashuv o‘tkazdi. Bu haqda u o‘z sahifasida yozib qoldirdi.
Muloqotda Markaziy Osiyo va Yevropa Ittifoqi o‘rtasidagi hamkorlikni yanada kengaytirish rejalari muhokama qilindi. Xususan, transport aloqalari, madaniy almashinuvlar, ta’lim, ayollar huquqlarini himoya qilish mavzulariga to‘xtalib o‘tildi.
Shuningdek, afg‘onistonlik ayollarga yordam ko‘rsatish bo‘yicha hamkorlik masalasiga alohida e’tibor qaratildi.
