Energetika vazirligi “Gaz taʼminoti tizimida bozor mexanizmlarini joriy etish chora-tadbirlari to‘g‘risida”gi prezident qarori loyihasini muhokamaga qo‘ydi.
Hujjat bilan gaz taʼminoti obyektlaridan foydalanish va gaz sotish funksiyalarini ishonchli boshqaruvi bo‘yicha islohotlarni amalga oshirishni muvofiqlashtiruvchi tarkib tasdiqlanmoqda.
Muvofiqlashtiruvchi komissiyaga:
- gaz taʼminoti tashkilotlari balansidagi qonunchilikka muvofiq xususiy operatorlar ishonchli boshqaruviga topshiriladigan obyektlarni tasdiqlash;
- xususiy operator tanlovi uchun o‘tkaziladigan xizmat ko‘rsatishning boshlang‘ich narxini belgilash;
- tanlov g‘olibiga topshiriladigan tumanlar bo‘yicha rasmiylashtiriladigan bayonnomani ko‘rib chiqish;
- pilot loyihasi amalga oshirilayotgan tumanlardan tashqari xususiy operatorlarga yuklatiladigan vazifalarni bajarish uchun talabgorlar paydo bo‘lganda, o‘rnatilgan tartibga muvofiq ishlarni tashkil etish huquqi beriladi.
Uch oy muddatda gaz taqsimlash tarmoqlaridan foydalanish va tabiiy gaz sotish funksiyalarini xususiy operatorlar ishonchli boshqaruviga topshiriladigan tumanlar bo‘yicha salohiyatli kompaniyalar bilan muzokaralar o‘tkazib, natijasi bo‘yicha aniq shartlar asosida gaz taqsimlash tarmoqlarini xususiy operatorga o‘tkazish choralari ko‘riladi.
Tabiiy va suyultirilgan gaz taʼminoti tizimi xususiy operatorga topshiriladigan tumanlar ro‘yxati
“O‘zbekiston–2030” strategiyasining barqaror iqtisodiy o‘sish orqali aholi farovonligini ta’minlash yo‘nalishi bo‘yicha 2024-yilga mo‘ljallangan amaliy tadbirlar rejasida suyultirilgan gaz yetkazib berishda monopoliyani bekor qilish, xususiy sektorni jalb qilish, energiya resurslarining bozor tamoyillarini joriy etish va resurslarning hisob-kitobini aniq yuritishni yo‘lga qo‘yish belgilangan edi.
Izoh (0)