Vazirlar Mahkamasining qarori bilan Nodirbek Sayfullayev O‘zbekiston davlat sanʼat va madaniyat instituti rektori lavozimiga tayinlandi. Bu haqda Madaniyat vazirligi matbuot xizmati xabar berdi.
Maʼlum qilinishicha, yangi rahbarni Prezident administratsiyasi Ijtimoiy rivojlanish departamenti rahbari Odil Abdurahmonov jamoaga tanishtirdi.
Nodirbek Sayfullayev tayinlovga qadar Prezident administratsiyasi madaniyat va sanʼatni rivojlantirish sho‘basi mudiri lavozimida faoliyat yuritayotgan edi.
Madaniyat vaziri Ozodbek Nazarbekov, oliy taʼlim, fan va innovatsiyalar vaziri Kongratbay Sharipov hamda Maʼnaviyat va maʼrifat markazi rahbari Otabek Hasanov yig‘ilishda ishtirok etib, Nodirbek Sayfullayevni tayinlangan yangi masʼuliyatli vazifa bilan tabrikladi.
Maʼlumot uchun, Nodirbek Sayfullayevning otasi Baxtiyor Sayfullayev ham 2017-yilga qadar mazkur institut rektori lavozimida ishlagan.
Izoh (0)