Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Taniqli xonanda Shahzoda muxlislaridan kelgan san’atga qaytish haqidagi savolga storis orqali javob berdi. Uning so‘zlariga ko‘ra, u hali sahnaga qaytish haqida o‘ylayotgani yo‘q, ammo o‘zi va muxlislari uchun yangi qo‘shiq taqdim etish niyati borligini ma’lum qildi.
Shundan so‘ng xonanda taqdim etiladigan qo‘shig‘i qaysi mavzuda bo‘lishi borasida muxlislarining fikri bilan qiziqdi.
Marhum xonanda Husniddin Xoliqovning qizi, aktrisa va model Farangiz Xoliqova ijtimoiy tarmoqlarda nega kamnamo bo‘lib qolganiga izoh berdi. Uning so‘zlariga ko‘ra, komfort zonasidan chiqishni xohlamayotgani aktrisaga blogini faol yuritishiga to‘sqinlik qilmoqda.
Aktrisa Asal Shodiyeva mashhur “Kavkaz asirasi” filmidagi Nina obrazini gavdalantirdi.
Opasi bilan umra amalini bajarayotgan Aysanem Yusupova bu haqda sahifasiga joylagan suratlari orqali xabar berdi.
Aktrisa va bloger Feuza Normatova obunachilariga yangi suratini ulashdi.
Mahoratli teatr va kino aktrisasi Munavvara Abdullayeva inson umrini uch bosqichga bo‘lib tahlil qilar ekan, hayot hamisha bir haqiqatni takror-takror eslatib turishini ta'kidlamoqda.
“Har bir kunim o‘g‘limning kulgisi va mehriga to‘la. U juda tez ulg‘aymoqda. Men esa har bir lahzani yuragimda saqlab qolishga harakat qilyapman”. Xonanda Munisa Rizayeva hayotdagi eng ulug‘ va sharafli tuyg‘u — onalik baxtiga erishganini eng katta muvaffaqiyati deb hisoblaydi.
Aktrisa va instabloger Muborak Abdullayeva orzusidagi yangi uyni xarid qilganini ma’lum qilib, bu quvonchli xabarni muxlislari bilan bo‘lishdi.
