Eronning marhum oliy rahnamosi Oyatulloh Ali Xomanaiyning dafn marosimida uning uch oʻgʻli ishtirok etdi. Ular otasining hamda yana to‘rt nafar oila a’zosining tobuti yonida janoza namozini o‘qidi. Bu haqda Reuters xabar berdi.
Eron davlat televideniyesi Mustafo, Meysam va Mas’ud Xomanaiylarning tobutlar ortida namoz o‘qiyotganini namoyish etdi. Marosim Tehrondagi “Imom Xomeyniy al-Musalla” majmuasi hovlisida bo‘lib o‘tdi.
Ali Xomanaiy bilan birga uning qizi, kuyovi, kelini va 14 oylik nabirasi ham dafn etiladi. Ular Isroil va AQSHning fevral oyidagi aviahujumlari oqibatida halok bo‘lgandi. Mojtaba Xomanaiy 9-mart kuni otasining o‘rniga Eron oliy rahnamosi etib tayinlangan. Biroq aviahujum oqibatida olgan tan jarohatlari sabab u hali ham omma oldida ko‘rinish bermagan.
Tehrondagi vidolashuv marosimlari 3-iyul kuni boshlandi. Unda Oʻzbekistondan Qonunchilik palatasi spikeri Nuriddin Ismoilov boshchiligidagi delegatsiya ham ishtirok etdi. Xomanaiyning jasadi Mashhad shahrida o‘rta asr shia imomlaridan birining qabri yoniga dafn etiladi.
