Ijtimoiy tarmoqlarda futbol bo‘yicha Jahon chempionatida ishtirok etgan O‘zbekiston milliy jamoasining 26 nafar a’zosiga Malibu avtomobili sovg‘a qilinishi haqida xabarlar tarqalmoqda. “Daryo” manbalarining ma’lum qilishicha, ushbu ma’lumotlar mutlaqo haqiqatga to‘g‘ri kelmaydi va hech qanday real asosga ega emas.
Shu munosabat bilan, jamoatchilik hamda tarmoq foydalanuvchilaridan bu kabi yolg‘on, tasdiqlanmagan xabarlarga ishonmaslik va faqat rasmiy manbalarga tayanish so‘ralmoqda.
Ma’lumot o‘rnida, O‘zbekiston milliy jamoasi o‘z tarixida ilk bor JCH-2026 musobaqasida ishtirok etib, guruh bosqichidagi 3 ta o‘yinda Kolumbiya, Portugaliya hamda Kongo DR vakillariga imkoniyatni boy berdi va turnir bilan barvaqt xayrlashdi. Hozirda jamoa bosh murabbiyi Fabio Kannavaro ta’tilni o‘tkazish uchun Italiyaga yo‘l olgan.
