UEFA Chempionlar Ligasining 1/8 final bosqichi dastlabki uchrashuvlari o‘tkazilmoqda. Kunning ilk bahsi Leverkuzen shahridagi “Bay Arena” stadionida bo‘lib o‘tdi.
Unda mahalliy “Bayer” klubi Angliyaning “Arsenal” jamoasiga qarshi o‘yin o‘tkazdi. Uchrashuv 1:1 hisobida yakunlandi.
Uchrashuvda hisob 46-daqiqada Robert Andrix tomonidan kiritildi. 89-daqiqada Kay Haverts penaltini aniq amalga oshirib, sobiq jamoasiga qarshi uchrashuvda muvozanatni tikladi. Mazkur hisob bahs yakuniga qadar o‘zgarmadi.
Jamoalar o‘rtasidagi javob o‘yini 18-mart kuni London shahridagi “Emireyts” stadionida bo‘lib o‘tadi.
UEFA Chempionlar Ligasi
1/8 final, dastlabki uchrashuv
“Bayer” — “Arsenal” 1:1
Gol: 1:0 — Andrix (46), 1:1 — Haverts (89)
