Ispaniyaning ikkinchi raqamli chempionati Segunda divizioni 28-turi doirasidagi “Sporting” (Xixon) va “Leganes” o‘rtasidagi o‘yin vaqtida 82 yoshli futbol muxlisi vafot etdi. Bu haqda Xixon klubi matbuot xizmati xabar berdi.
Muxlisning ahvoli yomonlashgani sababli uchrashuv to‘rtinchi daqiqadayoq to‘xtatilgan. Tibbiy guruh unga birinchi yordamni ko‘rsatgan, biroq 40 yil davomida “Sporting” o‘yinlari uchun abonement egasi bo‘lgan erkak muxlisning hayotini saqlab qolishning imkoni bo‘lmagan. Yuz bergan voqeadan so‘ng uchrashuv to‘xtatilgan.
“Bugun juda qayg‘uli kun. Joying jannatda bo‘lsin. Biz uning oilasi va yaqinlariga o‘z yordamimiz va muhabbatimizni bildiramiz”, deyiladi bayonotda.
Ma’lumotlarga ko‘ra, “Sporting” va “Leganes” o‘rtasidagi qoldirilgan o‘yinning sanasi keyinroq ma’lum qilinadi.
