Ukraina frontoldi hududlaridagi 4 ming kilometr yo‘lga dronlarga qarshi himoya to‘rlarini o‘rnatadi. Bu haqda mudofaa vaziri Mixail Fedorov ma’lum qildi.
Rossiya masofadan boshqariladigan apparatlar yordamida Ukrainaning harbiy ta’minot yo‘llari va front ortidagi bazalariga tobora chuqurroq zarba bermoqda. Dronlar shifoxonalar, infratuzilma obyektlari va fuqarolik transportini ham nishonga olmoqda.
2025-yilda ularga qarshi ko‘p to‘rlar o‘rnatilgan bo‘lsa-da, ularga ehtiyoj yuqoriligicha qolmoqda. Fedorov himoya choralarini kuchaytirish va Rossiya dronlariga qarshi kurashish uchun byudjetdan qo‘shimcha 1,6 milliard grivna (37 million dollar) ajratilganini aytdi.
Himoya to‘rlari dronlarning parraklarini ilib qoladi va ularning nishonga — qimmat texnika, harbiylar yoki tinch aholiga — yetib borishiga to‘sqinlik qiladi.
U mart oyida kuniga 20 kilometr yo‘lni yopishni rejalashtirayotganini ma’lum qildi.Atigi bir oy ichida biz to‘rlarni o‘rnatish tezligini yanvar oyidagi kuniga 5 kilometrdan fevral oyida 12 kilometrgacha oshirdik. Bu harbiy logistika xavfsizligini sezilarli darajada yaxshiladi va frontdagi bo‘linmalarning barqaror ishlashini ta’minladi, dedi Fedorov.
Shuningdek, Ukraina Rossiya bilan chegaradosh Xarkov va Sumi viloyatlari (shimoli-sharqi) hamda Chernigov viloyatida (shimoli) mudofaa istehkomlarini qurishni ham tezlashtiradi.Yil yakuniga qadar yo‘llarda yana 4 ming kilometrlik dronlarga qarshi himoya tizimini o‘rnatish niyatidamiz, dedi mudofaa vaziri.
