Londonning “Tottenhem” klubi futbolchilari — Randal Kolo Muani va Uilson Odober yengil yo‘l-transport hodisasiga uchradi. Bu haqda Reuters nashri xabar berdi.
Ma’lum bo‘lishicha, hodisa avtomobil shinasining yorilishi oqibatida yuz bergan. Ayni paytda futbolchilar o‘zlarini yaxshi his qilmoqda. “Tottenhem” 28-yanvar, seshanba kuni Chempionlar Ligasi guruh bosqichining so‘nggi turida “Ayntraxt”ga qarshi bahs olib boradi va futbolchilar jamoa bilan Frankfutga yetib kelgan.
Kolo Muani va Odober aeroportga ketayotgan paytda yo‘l-transport hodisasiga uchragan, shu sababli ular Frankfurtga biroz kechikib yetib borgan. Biroq bosh murabbiy futbolchilar maydonga tushishga tayyor ekanini ta’kidlagan.
“Randal Kolo Muani va Uilson Odoberning ahvoli yaxshi. Afsuski, ular kichik hodisaga duch keldi, biroq barcha ishtirokchilar sog‘-salomat. Shina yorilib ketdi, shu sababli biroz kechikish bo‘ldi. Hammasi joyida. Ular keyinroq uchib keldi va men ularning “Ayntraxt”ga qarshi o‘yinda maydonga tushishiga ishonaman”, deydi Tomas Frank.
Ma’lumot uchun, 7-turdan so‘ng “Tottenhem” Chempionlar Ligasi turnir jadvalida 14 ochko bilan 5-o‘rinni egallab turibdi. Agar londonliklar “Ayntraxt” ustidan g‘alaba qozonsa, to‘g‘ridan-to‘g‘ri 1/8 final yo‘llanmasini qo‘lga kiritadi.
