Yevropa Ittifoqi oktyabr oyi oxirida Rossiyaning Ukrainaga bosqiniga javoban sanksiyalarning 19-paketini tasdiqlagan edi. Mazkur sanksiyalar paketiga o‘zbekistonlik tadbirkor Rustam Mo‘minov ham kiritildi.
Sanksiyalar reyestriga Rossiya, Gonkong, Xitoy, Hindiston, Tailand, shuningdek, sanksiyalarni chetlab o‘tishga yordam berayotgani aytilayotgan Markaziy Osiyo davlatlaridan 44 ta yuridik shaxs kiritilgan. Rustam Mo‘minov esa Rossiya va Buyuk Britaniya fuqaroligiga ham ega ekani aytilmoqda.
Shu sababli o‘zbekistonlik tadbirkor Rossiyaning harbiy-sanoat majmuasiga yordam berganlikda ayblanmoqda. 2025-yilning may oyida Ukraina prezidenti Vladimir Zelenskiy O‘zbekistondagi uchta kompaniyaga sanksiya qo‘llagan edi:Rustam Mo‘minov O‘zbekistonning Farg‘ona kimyo zavodini nazorat qiladi. Bu zavod Perm porox zavodi va Qozon davlat porox zavodiga paxta sellyulozasini yetkazib bergan, ular esa bu xom ashyodan Rossiya Qurolli Kuchlari uchun qurol-yarog‘ ishlab chiqarishda foydalangan, deyiladi Yevropa Ittifoqi hujjatida.
- Mercury Renaissance
Toshkentda joylashgan mas’uliyati cheklangan jamiyati qo‘shma korxonasi. U 2016-yilda ro‘yxatga olingan bo‘lib, qurilish texnikasi va jihozlari ijarasi hamda lizing asosida foydalanish bilan shug‘ullanadi. Ta’sischilar Mo’minov Rustam (60%) va Gluxov Mixail (40%).
2. “Farg‘ona kimyo zavodi”
Farg‘ona shahridagi mas’uliyati cheklangan jamiyati 2012-yil ro‘yxatga olingan. U ham yog‘och massasi va sellyuloza ishlab chiqarish bilan shug‘ullanadi. Ta’sischisi Mercury Renaissance.
3. Raw Materials Cellulose
Jizzaxda joylashgan mas’uliyati cheklangan jamiyati. 2017-yil ro‘yxatga olingan va yog‘och massasi hamda sellyuloza ishlab chiqarishga mo‘ljallangan. Ta’sischi Utkina Larisa Mixaylovna.
O‘sha paytda Mercury Renaissance va uning “sho‘ba korxonasi” hisoblangan “Farg‘ona kimyo zavodi” Rustam Rahimjonovich Mo‘minov (60%) va Shahriyor Saxiyorovich Tojiyevga (40%) tegishli edi.
