Fransiyaning “Pari Sen-Jermen” klubini boshqarayotgan ispaniyalik murabbiy Luis Enrike 2025-yilgi Klublar o‘rtasidagi Jahon chempionati chorak finali oldidan “Inter Mayami” futbolchisi Lionel Messi haqida o‘z fikrlarini bildirdi.
Uning ta’kidlashicha, argentinalik hujumchi futbol tarixidagi eng buyuk futbolchi hisoblanadi:
Mening nazarimda, Lionel Messi — futbol tarixidagi eng buyuk futbolchi. U so‘nggi 10–15-yil davomida o‘zining yuqori sport formasini saqlab kelmoqda. Leo — buyuklik timsoli. Har uch kunda o‘yin ko‘rsatib, yuqori saviyani saqlab qolish — ajoyib natija. Men uni mashg‘ulotlarda ko‘rganman. U bajargan ishlar shunchaki aqlbovar qilmas darajada edi, — deya Enrikening so‘zlarini keltiradi All About Argentina nashri.
Eslatib o‘tamiz, Luis Enrike avval “Barselona” klubini boshqargan va aynan o‘sha davrda Lionel Messi bilan birga ishlagan.
“PSJ” hamda Messi to‘p surayotgan “Inter Mayami” o‘rtasidagi 1/8 final doirasidagi bahs 29-iyun kuni bo‘lib o‘tadi. O‘yin O‘zbekiston vaqti bilan soat 21:00 da boshlanishi rejalashtirilgan.
