Madridning “Real” klubi braziliyalik vinger Rodrigo Goesni sotish variantini ko‘rib chiqishga tayyor. Bu haqda Ispaniyaning Cadena SER nashriga tayanib Championat xabar bermoqda.
Klub 24 yoshli futbolchi uchun kamida 90 million yevro miqdorida taklif tushishini kutmoqda. Ushbu mablag‘ bosh murabbiy Xabi Alonsoning talabiga binoan yarim himoyachini xarid qilish uchun sarflanishi rejalashtirilgan.
Rodrigoga hozirda Londonning “Arsenal” klubi jiddiy qiziqish bildirgan. Biroq futbolchining o‘zi boshqa variantlarni ham ko‘rib chiqmoqchi. Bundan tashqari, uning atrofidagi vaziyatni Angliyaning boshqa klubi — “Manchester Siti” ham kuzatib bormoqda.
O‘tgan mavsumda Rodrigo barcha musobaqalar doirasida 51 o‘yinda maydonga tushib, o‘z hisobiga 14 ta gol va 10 ta assist yozdirib qo‘ygan. Uning “Real” bilan shartnomasi 2028-yil yoziga qadar amal qiladi. Transfermarkt portali futbolchining qiymati 90 million yevroga baholamoqda.
