Futbol bo‘yicha O‘zbekiston Superligasining 11-turidan o‘rin olgan uchrashuv 23-may, juma kuni bo‘lib o‘tdi.
Unda Andijonning “Andijon” klubi o‘z maydonida Surxondaryoning “Surxon” jamoasini qabul qildi. Uchrashuvda andijonliklar kambek qilib, g‘alabaga erishdi.
Uchrashuvning 5-daqiqasida Dostonbek Tursunov hisobni ochdi. Birinchi bo‘limda hisob boshqa ochilmadi.
Ikkinchi bo‘lim avvalida esa Bektemir Abdumannonov gol urib, hisobni tenglashtirdi. 55-daqiqaga kelib Doniyor Abdumannopov ham gol urdi va jamoasini hisobda oldinga olib chiqdi. Ushbu hisob o‘yin yakuniga qadar o‘zgarmadi va andijonliklar uch ochkoga ega bo‘ldi.
Ushbu g‘alaba bilan “Andijon” 10 ochko bilan 13-o‘rinni egallab turibdi. “Surxon” esa 14 ochko bilan 8-o‘rindan joy olgan.
Superliga
11-tur
23-may, juma
“Andijon” — “Surxon” 2:1
Gollar: 0:1 – 5, Dostonbek Tursunov, 1:1 – 48, Bektemir Abdumannonov, 2:1 – 55, Doniyor Abdumannopov.
