O‘zbekiston milliy terma jamoasi va “Persepolis” klubi vingeri Oston O‘runov 15-may, payyshanba kuni Eron Proligasi doirasidagi uchrashuvda ishtirok etdi.
“Persepolis” o‘z maydonida “Xavadar”ga qarshi o‘yin o‘tkazdi. Uchrashuvning birinchi bo‘limida hisob ochilmadi.
O‘zbekistonlik vinger Oston O‘runov o‘yinning 63-daqiqasida maydonga tushdi. Futbolchi 82-daqiqada hisobni ochdi. 90+8-daqiqada esa Yagxub Barajening goli maydon egalariga ishonchli g‘alabani taqdim etdi.
Ushbu o‘yindan so‘ng “Perepolis” jamoasi 60 ochko bilan 3-o‘rinni egallab turibdi.
Maʼlumot uchun, Oston O‘runov 8-may kuni “Xeybar”ga qarshi o‘yinda ham gol urgan edi.
