Madridning “Real” klubi bosh murabbiyi Karlo Anchelotti joriy mavsum yakunida jamoani tark etadi. Bu haqda taniqli jurnalist Fabrisio Romano o‘zining X (sobiq Twitter) sahifasida xabar bergan.
Manbaga ko‘ra, Anchelotti 11-may, yakshanba kuni bo‘lib o‘tadigan “Barselona”ga qarshi La Liga 35-tur uchrashuvidan so‘ng jamoa bilan xayrlashadi. “El-Klasiko”dan keyin italiyalik mutaxassisning ketishi rasman e’lon qilinishi kutilmoqda.
Avvalroq Anchelottiga Braziliya terma jamoasi qiziqish bildirayotgani haqida xabarlar chiqqan edi. Janubiy Amerika giganti 2026-yilgi Jahon chempionati arafasida yangi bosh murabbiy izlamoqda. Shuningdek, Saudiya Arabistonining “Al-Hilol” klubi ham 64 yoshli murabbiy xizmatlariga qiziqmoqda.
“Real” rahbariyati Anchelottining o‘rniga asosiy nomzod sifatida Xabi Alonso variantini ko‘rib chiqmoqda. “Bayer” ustozi bugun, 9-may kuni mavsum oxirida Leverkuzen klubini tark etishini rasman ma’lum qildi.
