O‘zbekiston Superligasi 5-turi doirasidagi “Nasaf”—“Surxon” uchrashuvi yakuniga yetdi. Qiziqarli o‘tgan bahs taqdirini yagona gol hal qildi.
Bellashuv keskin kurashlar ostida boshlandi. 42-daqiqada “Nasaf” uchrashuvda hisobni ochdi. Gol muallifi — Dragan Cheran. Serbiyalik hujumchi termizliklar jarima maydonchasi ichidagi tartibsizliklardan foydalanib, mavsumdagi ilk golini kiritdi.
Ikkinchi taym o‘rtasiga kelib, “Nasaf” maydonda bir kishi kam bo‘lib qoldi. Raqibga qilgan qo‘polligi sabab Oybek Bozorov maydondan chetlatildi. Uchrashuvning qolgan daqiqalari ham qizg‘in kurashlarga boy bo‘ldi, ammo muxlislar boshqa gollarga guvoh bo‘lishmadi.
Shu tariqa “Nasaf” ochkolari sonini 11 ballga yetkazib oldi va Superliga turnir jadvalida 3-o‘ringa ko‘tarilib oldi. “Surxon” 3 ochko to‘plagan holda 14-o‘rinni egallab turibdi.
O‘zbekiston Superligasi
5-tur
13-aprel, yakshanba
“Nasaf” — “Surxon” 1:0
Gol: 1:0 — Dragan Cheran (42)
