Toshkent shahrining Sergeli tumanida TBC Bank ko‘magida O‘zbekistonda birinchi bor ekologik devoriy tasvir yaratildi. Mahalliy rassom Nadejda Riksiyeva tomonidan chizilgan bu mural nafaqat shaharning estetik qiyofasini yaxshilaydi. balki innovatsion Airlite bo‘yoqlari yordamida havoni tozalash xususiyatiga ham ega.
Innovatsion texnologiya: sanʼat va ekologiyaning uyg‘unligi
Airlite bo‘yoqlari BMT tomonidan havoning ifloslanishiga qarshi eng istiqbolli texnologiyalardan biri sifatida tan olingan. Quyosh nuri ta’sirida ushbu bo‘yoq atrof-muhitdagi azot oksidlarini zararsizlantirib, atmosferani tozalaydi. 250 m² maydonni qoplagan bunday qoplama kuniga 50 ta avtomobildan chiqadigan zararli moddalarni neytrallash imkoniyatiga ega.
-NvGVhs4U.avif)
TBC Bank: nafaqat moliyaviy, balki ekologik barqarorlik yo‘lida ham yetakchi
TBC Bank O‘zbekistonda nafaqat moliyaviy xizmatlarni rivojlantirish, balki ijtimoiy masʼuliyatni oshirishga ham alohida eʼtibor qaratmoqda. Bankning marketing direktori Nodira Shermatovaning taʼkidlashicha, ushbu loyiha zamonaviy shaharsozlik yondashuvining yorqin namunasi bo‘lib, ekologik madaniyatni rivojlantirishga xizmat qiladi.
-poraL7fe.avif)
Atrof-muhitni muhofaza qilishga bag‘ishlangan tashabbuslar
TBC Bank ekologik loyihalarni qo‘llab-quvvatlash maqsadida mural.tbcbank.uz platformasini ishga tushirdi. Bu yerda atrof-muhitni asrashga qaratilgan turli tadbirlar, jumladan, daraxt ekish aksiyalari, ekologik xakatonlar, plogging (axlat to‘plash bilan birga yugurish) va boshqa tashabbuslar haqida maʼlumot olish mumkin.
-FqcVpiMv.avif)
Shuningdek, bankning @tbcbankuzbekistan Instagram sahifasida ekologik odatlarni shakllantirishga bag‘ishlangan besh qismli chellenj ham o‘tkaziladi. Unda bir martalik plastmassa va qog‘oz cheklardan voz kechish, batareyalarni to‘g‘ri utilizatsiya qilish va xona o‘simliklarini ko‘paytirish bo‘yicha foydali maslahatlar taqdim etiladi.
Airlite bo‘yoqlari: xalqaro tajriba va samaradorlik
Airlite bo‘yoqlari Italiyaning The Blue Planet kompaniyasi tomonidan ishlab chiqarilgan bo‘lib, u havo ifloslanishiga qarshi kurashda samaradorligini allaqachon isbotlagan. 2007-yilda Rim shahrida olib borilgan tajribalar natijasida ushbu bo‘yoq bilan qoplangan Umberto I tunnelida zararli moddalar darajasi 50% ga kamaygani qayd etilgan.
Shuningdek, ushbu texnologiya dunyo bo‘ylab turli loyihalarda keng qo‘llanilmoqda. Airlite bo‘yoqlari issiqlikni qaytarish xususiyatiga ega bo‘lib, binolarning energiya samaradorligini oshirishga va shaharlardagi “issiqlik oroli” ta’sirini kamaytirishga yordam beradi. https://www.unep.org/news-and-stories/story/business-unusual-four-innovations-clear-air
2024-yil yanvar oyida Rim shahri hokimiyati ushbu bo‘yoqlardan foydalanishni kengaytirish to‘g‘risida qaror qabul qildi.
-kvCRD2NL.avif)
2025-yil O‘zbekistonda “Atrof-muhitni muhofaza qilish va yashil iqtisodiyot yili” deb eʼlon qilingan bir paytda, bunday tashabbuslar ekologik ongni shakllantirishga va barqaror rivojlanishga xizmat qiladi. TBC Bank kelajakda ekologik devoriy tasvirlarni boshqa shaharlarda ham yaratishni umid qilmoqda.
Ushbu loyiha O‘zbekistonda barqaror kelajak sari muhim qadam bo‘lib, sanʼat va ekologiyani uyg‘unlashtirgan holda jamiyatni ilhomlantirishga xizmat qiladi.
Qo‘shimcha maʼlumotlar: https://airlite.com/
Sheriklik huquqi asosida.
Izoh (0)