O‘zbekiston Superligasi 2-turi doirasidagi “So‘g‘diyona” — “Navbahor” uchrashuvi 16-mart, yakshanba kuni bo‘lib o‘tdi. Unda namanganliklar qiyin g‘alabani qo‘lga kiritdi.
Uchrashuvda tezkor gol kiritildi. 2-daqiqada Po‘latxo‘ja Xoldorxonov Muhammadyusuf Sobirov qo‘riqlayotgan darvozani ishg‘ol qildi. 14-daqiqada Lyupcho Doriyev “Navbahor” darvozasiga gol urib, muvozanatni tikladi — 1:1.
Ikkinchi taymning 66-daqiqasida Ruslan Jiyanov yana Namangan klubini hisobda oldinga olib chiqdi. 76-daqiqada esa Doriyev o‘zining dublini rasmiylashtirdi. Uchrashuv yakuni arafasida “Navbahor”ning brazilyalik legioneri Pedro namanganliklarga g‘alaba taqdim etgan gol muallifiga aylandi.
Uchrashuv 3:2 hisobida yakunlandi va Sergey Lushchan jamoasi mavsumdagi ilk g‘alabasini qo‘lga kiritdi.
Qo‘lga kiritilgan g‘alabadan keyin “Navbahor” hisobidagi ochkolar soni 4 taga yetdi, jazzaxliklar esa mavsumdagi ikkinchi bahsda ham imkoniyatni boy berdi.
Superliga
2-tur
16-mart, yakshanba
“So‘g‘diyona” — “Navbahor” 2:3
Gollar: 0:1 — Po‘latxo‘ja Xoldorxonov (2), 1:1 — Lyupcho Doriyev (14), 1:2 — Ruslan Jiyanov (66), 2:2 — Lyupcho Doriyev (76), 2:3 — Pedro (90).
“So‘g‘diyona”: Muhammadyusuf Sobirov, Zoir Jo‘raboyev, Suhrob Izzatov, Otabek Ahadov, Xondamir Mustafoqulov, Islom Qobilov, Ehsone Panshanbe (Stansilasv Andreyev, 77), Javohir Qahramonov, Nodir Soyibov, Samandar Mavlonqulov (Luka Dordevich, 88), Lyupcho Doriyev.
“Navbahor”: Shukron Yo‘ldoshev, Sergey Karpovich, Gilerme Gedesh, Mirzohid G‘ofurov (Javohir Abdujabborov, 46), Igor Gabriyel, Shohmalik Komilov, Benjamin Teydi, Abbos G‘ulomov (Ruslan Jiyanov, 64), Azim Ahmedov (Saidazamat Mirsaidov, 46), Shahzod Ubaydullayev (Alisher Odilov, 64), Po‘latxo‘ja Xoldorxonov (Pedro Augusto, 81).
