“Barselona” himoyachisi Pau Kubarsi UEFA Chempionlar Ligasi finalida “Real Madrid” bilan to‘qnash kelish ehtimoli haqida fikr bildirdi.
Futbolchi ushbu jamoalar finalda uchrashsa, fantastik bahslardan biri bo‘lishini aytdi.
Bizning finalda uchrashishimiz ehtimoli yuqori. “Real” ajoyib jamoa, biz ham yaxshi formada turibmiz. Agar ikkalamiz finalga uchrashsak, bu nafaqat biz uchun, balki butun dunyo uchun fantastik final bo‘ladi. Ular ham, biz ham bosh sovrin uchun bor kuchimiz bilan harakat qilamiz, dedi Kubarsi Mundo Deportivo nashriga bergan intervyusida.
Eslatib o‘tamiz, “Barselona” Chempionlar Ligasi chorak finalida Dortmundning “Borussiya” jamoasiga qarshi bahs olib boradi, “Real Madrid” esa “Arsenal” bilan to‘qnash keladi. Dastlabki uchrashuvlar 9—10-aprel kunlari bo‘lib o‘tsa, javob o‘yinlari 16—17-aprelda o‘tkaziladi.
