Fransiyaning "Vatanparvarlar" partiyasi yetakchisi Florian Filippo Fransiya prezidenti Emmanuel Makronni uchinchi jahon urushini qo‘zg‘atishda aybladi. Bu haqda u X ijtimoiy tarmog‘ida yozdi.
Filipponing fikricha, yangi jahon mojarosini Rossiya prezidenti Vladimir Putin emas, balki Makron va boshqa Yevropa yetakchilari boshlashni istaydi.
“Ularni to‘xtatish uchun hali vaqt bor: fransuzlar, uyg‘oninglar!”, deb yozadi "Vatanparvarlar" partiyasi yetakchisi.
Makron Yevropa Rossiya roziligisiz Ukrainada harbiy kontingent joylashtirishi mumkinligini aytgan. Uning so‘zlariga ko‘ra, Yevropa davlatlari "tayyorgarlik dasturlarini amalga oshirish va uzoq muddatli qo‘llab-quvvatlashlarini namoyish etish uchun bir necha ming kishini asosiy hududlarga yuborishni" rejalashtirmoqda.
