“Barselona”ning braziliyalik sobiq hujumchisi Neymar, 2017-yilda katalon klubini tark etishi oldidan sobiq jamoadoshi Lionel Messi unga nima deganini oshkor qildi.
Neymarning aytishicha, Messi uni bu qarordan qaytarishga harakat qilgan.
“Nega ketmoqchisan? Men seni dunyoning eng yaxshisi qilishni maqsad qilganman”, deya Messining so‘zlarini esladi Neymar.
Neymar “Barselona” safida 2013-yildan 2017-yilgacha to‘p surgan. U shu vaqt ichida barcha turnirlar doirasida 186 ta o‘yinda maydonga tushib, 105 ta gol urgan va 76 ta golli uzatma amalga oshirgan. Messi “Barselona”ni 2021-yilning yozida tark etdi.
