Ukraina prezidenti Vladimir Zelenskiy keng ko‘lamli urush boshlanganidan buyon qancha harbiy halok bo‘lganini oshkor qildi. Siyosatchi o‘zining Telegram kanalida bu haqda ma’lumot berdi.
Xalqimiz o‘z hayotlari evaziga uylarini himoya qilmoqda va har bir jangchimiz hamda fuqaromizning hayoti biz uchun qadrlidir. Ukraina keng ko‘lamli urush boshlanganidan beri jang maydonida 43 ming askarini yo‘qotdi. Yaradorlarga yordam ko‘rsatishning 370 ming holati qayd etilgan.
Bu raqam armiyamizda yaradorlarning taxminan 50 foizi safga qaytayotgani va barcha jarohatlar, shu jumladan, yengil va takroriy jarohatlar hisobga olinganini ko‘rsatadi, dedi Zelenskiy.
Shuningdek, siyosatchi Rossiyaning urushdagi yo‘qotishlari bo‘yicha o‘z bahosini ham bildirdi. Jumladan, “dushman tomon” 198 ming kishini yo‘qotgan, 550 mingdan ortiq kishi esa yaralangan.
2024-yil fevral oyida Zelenskiy Rossiya bilan keng ko‘lamli urush boshlanganidan beri 31 ming ukrainalik harbiy xizmatchi halok bo‘lganini aytgandi.
