La Liga “Valensiya” — “Real” va yana bir nechta o‘yinni suv toshqinlari sababli kechiktirdi.
Ispaniyaning janubi-sharqida yuz bergan suv toshqinlari sababli hozirgi qadar 95 kishi halok bo‘lgani xabar qilindi.
“Valensiya”ning Ispaniya Kubogi doirasidagi “Levante”ga qarshi o‘yini va chempionatdagi “Real”ga qarshi bahs boshqa kunga qoldirildi.
La Liga 2-noyabr kuni bo‘lib o‘tishi kerak bo‘lgan “Valensiya” — “Real”, “Vilyarreal” — “Rayo Valyekano” o‘yinlarini kechiktirdi.
Shuningdek, Segundadagi “Kastelyon” — “Rasing Ferrol” (3-noyabr), “Eldense” — “Ueska” (3-noyabr), “Levante” — “Malaga” (4-noyabr) kabi bahslar ham qoldirilgan.
Liga klublardan o‘yinlarni o‘tkazish uchun yangi sana takliflarini 5-noyabrga qadar jo‘natishini so‘ragan.
Ispaniya chempionatidagi o‘yinlar vafot etganlar xotirasi uchun bir daqiqalik sukut bilan boshlanishi ma’lum qilindi.
