Rossiyaning Sankt-Peterburg shahri Viborg tumanida o‘zbekistonlik ayolning bolasi noma’lum sharoitda vafot etdi. Bu haqda 78.ru xabar berdi.
Ma’lum qilinishicha, 4 oylik chaqaloq Suzdal prospektidagi kvartirada onasining dugonasi — 22 yoshli Qirg‘iziston fuqarosi nazorati ostida bo‘lgan. Chaqaloq nima sababdan vafot etgani noma’lum. Zo‘ravonlik belgilari bo‘lmagan jasad o‘lim sababini aniqlash uchun morgga jo‘natilgan.
Bola otasiz o‘sgan, uning onasi 33 yoshli O‘zbekiston fuqarosi bo‘lib, farrosh bo‘lib ishlagan. U Rossiya hududida ro‘yxatdan o‘tmagan. Voqeaning barcha tafsilotlari aniqlanmoqda.
