Futbol bo‘yicha OCHL-2 turnirining 3-turidan o‘rin olgan o‘yin 23-oktyabr, chorshanba kuni bo‘lib o‘tdi.
“Nasaf” Iordaniyada “Al Husseyn” klubiga qarshi bahs olib bordi.
Birinchi bo‘limda darvozalar ishg‘ol etilmadi. Ikkinchi bo‘limda ham klublar ehtiyotkorroq harakat qildi. Biroq 87-daqiqaga kelib, mezbonlar hisobni ochdi. Al-Haj o‘z nomini tabloga yozdirib qo‘ydi. Oradan 4 daqiqa o‘tib, yana Al-Haj darvozani aniq nishonga oldi.
O‘yin oxirida esa Viktor da Silva hisobni qisqartirisihga muvaffaq bo‘ldi. Biroq bu gol jamoa uchun yetarli bo‘lmadi.
Shu tariqa Iordaniya jamoasi 2:1 hisobidagi g‘alabani rasmiylashtirdi.
Ro‘ziqul Berdiyev jamoasi ilk turda “Kuvayt” bilan 0:0 hisobida durang qayd etgandi. 2-turda esa “Shabob al Ahli”ni mag‘lub etgandi.
OCHL-2
3-tur bahsi
23-oktyabr, chorshanba
“Al Husseyn” – “Nasaf” 2:1
Gollar: 1:0 — 87 Al-Haj, 2:0 — 90+1 Al-Haj, 2:1 — 90+5 Da Silva.
“Al Husseyn”: 1. Yazid Abdulla, 3. Abdallah Nasib, 8. Raja Aed Hasan (23. Ahmad Haykal, 81), 9. Abdallah Mohannad Alattar (99. Abdu Aziz Ndiaye, 69), 13. Mahmud Al Mardi, 15. Saed Ahmad Al Rosan, 17. Adham Muhammad Al Quraishi, 24. Ehsan Haddad (77. Aref Haitam, 69), 36. Abduljalel Ajagun, 88. Italo Enrike Silva, 98. Yusuf Abu Jalbush.
“Nasaf”: 35. Abduvohid Ne’matov, 3. Shohjahon Sultonmurodov, 4. Dilshod Komilov, 7. Akmal Mozgovoy, 10. Bobir Abdixoliqov, 14. Sharof Muhitdinov, 23. Kuach Yuel (20. Viktor Da Silva, 46), 28. Shuhrat Muhammadiyev (22. Igor Golban, 46), 34. Sherzod Nasrullayev, 77. Oybek Bozorov (70. Jambuli Jigauri, 70), 88. Marko Stanoyevich (6. Murod Rahmatov, 46).
Ogohlantirish: Marko Stanoyevich (13).
Izoh (0)