Amerikalik tadbirkor Ilon Mask joriy yilning iyul oyida bo‘lib o‘tgan saylovlardan so‘ng Venesueladagi davlat to‘ntarishiga urinishni moliyalashtirish uchun kamida 1 milliard dollar sarfladi. Bu haqda respublika prezidenti Nikolas Maduro ma’lum qildi.
Venesuela yetakchisiga ko‘ra, ajratilgan mablag‘ni muxolifat yetakchilaridan biri Mariya Korina Machado tarqatgan.
U, o‘z navbatida, terrorchilik guruhlarini moliyalashtirish bilan ham shug‘ullangan. Biroq davlat to‘ntarish rejasi barbod bo‘ldi, dedi Maduro.
Uning ta’kidlashicha, Mask muvaffaqiyatsizlikka uchragan. Maduroning qo‘shimcha qilishicha, davlat to‘ntarishiga urinish ortida “AQSH hukumati, Shimoliy Amerika imperiyasining doimiy fitnasi turgan”.
Avgust oyida Maduro X ijtimoiy tarmog‘i mamlakatda bir necha bor qonunbuzarlik qilgani va shu sababli uning mamlakatdagi faoliyati to‘xtatilishini aytgan edi. Davlat rahbari ushbu sayt nafrat, fashizm, fuqarolar urushi, venesuelaliklar o‘rtasidagi qarama-qarshilikni qo‘zg‘atayotgani, shuningdek, Venesuelaning barcha qonunlarini buzayotganini ta’kidlagan.
Izoh (0)