Janubiy Koreyaning Chunchon viloyat sudi “Tottenhem” klubi futbolchisi Son Hyon Minning otasi va ukasini bolalarga zo‘ravonlik qilganlikda ayblab, jarimaga tortdi, deb xabar bermoqda “Yonhap” axborot agentligi.
Futbolchining otasi Son Vun Chon bolalar futbol akademiyasini boshqaradi. Futbolchilardan birining ota-onasi mart oyida politsiyaga murojaat qilib, Son Vun Chon va uning o‘g‘li Son Hyon Yon va boshqa murabbiylarni farzandlarini haqorat qilgani va jismoniy kuch ishlatganlikda ayblagan.
Qayd etilishicha, “Tottenhem” futbolchisining akasi yosh futbolchining soniga maydon burchagida turadigan bayroq bilan zarba bergan, shundan so‘ng bolaning tiklanishi uchun ikki hafta kerak bo‘lgan.
Ularning har biri 2,2 ming dollardan jarimaga tortildi. Son Hyon Minning otasi o‘ziga va yordamchilariga qo‘yilgan barcha ayblovlarni rad etdi.
