Kopengagen politsiyasi shved ekofaoli Greta Tunbergni Kopengagen universitetidagi namoyish paytida hibsga oldi. Bu haqda Ekstra Bladet nashri xabar bermoqda.
Tunberg o‘zining Instagram sahifasida Isroil universitetlari bilan hamkorlikka qarshi uyushtirilgan namoyish aks etgan videoni joylashtirgan. Namoyish ishtirokchilari Kopengagen universiteti muzeyi binosini egallab olishdi.
“Talabalar bosqinga qarshi harakati” va men Kopengagen universiteti ma’muriyati binosidamiz”, deb yozdi u va politsiya namoyishchilarni tarqatib yuborayotganini qo‘shimcha qildi.
Kopengagen universiteti sinagoga joylashgan Kristallgade ko'chasida joylashgan. Nashrning yozishicha, politsiya binodan bir necha kishini qo‘liga kishan taqqan holda olib chiqib ketgan.
“Talabalar bosqinga qarshi” harakati o‘z bayonotida Kopengagen universiteti muzeyi binosini egallab olishganini ma’lum qilgan. Namoyishchilar universitetdan Isroil universitetlari bilan hamkorlikni to‘xtatishni talab qilmoqda.
Greta Tunberg — iqlim o‘zgarishi insoniyat uchun ekzistensial inqirozni yuzaga keltiradi degan fikrni ilgari surgani uchun xalqaro miqyosda shuhrat qozongan va eʼtirofga sazovor bo‘lgan shved ekofaoli.
U o'zining to'g'ridan to'g'ri muloqot uslubi va ekologik muammolarni hal qilish uchun yetarli choralar ko'rmayotgan siyosiy arboblarni keskin tanqid qilishi bilan mashhur.
2018-yil avgustida 15 yoshli Greta Shvetsiya parlamenti oldida “Iqlim uchun maktabni tashlash” shiori bilan norozilik namoyishini boshladi va ekologik muammolarga qarshi zudlik bilan kurashishga chaqirdi. Uning harakatlari butun dunyo bo'ylab aks-sado berib, ommaviy tadbirlarni keltirib chiqardi.
Greta Tungberg o'sha yili BMTning iqlim o'zgarishi bo'yicha konferensiyasida nutq so'zlagan.
Izoh (0)