Fransiyaning Parij shahrida yozgi Olimpiada bahslarida boks musobaqalari ham davom etmoqda.
-57 kg vazn toifasida harakat qiladigan Abdumalik Halokov finalda qirg‘izistonlik Munarbek Seitbek Uuluga qarshi jang qildi.
Birinchi raundda Abdumalik 5:0 hisobida ustun keldi. Ikkinchi raundni ham o‘zbekistonlik bokschi xuddi shunday hisobda yakunladi.
Uchinchi raundda ham raqibiga imkon qoldirmagan Abdumalik Halokov Parij Olimpiadasi oltin medaliga sazovor bo‘ldi.
Abdumalik Halokov dastlabki bosqichda Shvetsiya vakili Nebil Ibrahimga qarshi jang qilib g‘alaba qozongan edi. Ikkinchi jangida esa ispaniyalik Xose Kuiles Brotonsni taslim etgandi. Yarim finalda esa avstraliyalik Charlie Senyorni mag‘lub etgandi.
