“Ajdaho uyi”ning keyingi qismi chiqishini kutayotgan bo‘lsangiz, xuddi shu serial bergan ehtiroslar va intrigalarga boy quyidagi ajoyib teleseriallarni tomosha qilishni tavsiya qilamiz.
“Domina”
Serial qahramoni Liviya Druzilla imperator Oktavian Avgustning rafiqasi bo‘lib, mavqeyidan foydalangan ayol hokimiyat jilovini o‘zining nozik qo‘llariga oladi. Ammo bu mashaqqatli yo‘lda u omon qolish uchun vijdoni bilan til topishishiga to‘g‘ri keladi.
IMDb reytingi - 7.2
“Segun”
Serialdagi voqealar 1600-yilda sodir bo‘ladi. Ingliz uchuvchisi Yaponiyaga kelib qoladi va yapon jamiyatiga moslashishga harakat qiladi. Vaqt o‘tishi bilan u o‘ziga kuchli homiy topadi, shu bilan birga ko‘plab dushmanlar orttiradi. Albatta, sevgisini ham shu yerda uchratadi.
IMDb reytingi - 8,7
“Soya va suyak”
Ushbu serialdagi voqealar xayoliy olamda sodir bo‘ladi. Qudratli mamlakat zulmat tufayli ikki qismga bo‘lingan: eng xavfli yirtqich maxluqlar Soya kanyonida yashaydi, bu yerda oddiy odam bir daqiqa ham yashay olmaydi. Faqat grishilar — turli xil jodugarlik bilan shug‘ullanadigan sehrgarlar bu mavjudotlarga qarshi tura oladi. Serial qahramoni Alina Starkova ismli yetim qiz to‘satdan qudratli kuchga ega ekanligini bilib qoladi va o‘zini hokimiyat uchun kurash bo‘layotgan joyda ko‘radi.
IMDb reytingi - 7,5
“Zombilar qirolligi”
O‘rta asrlardagi Chosonda sodir bo‘lgan zombi apokalipsisi haqidagi koreys seriali. Tirik murdalar kechasi sarson bo‘lib, ertalab qabrlariga qaytadi. Elementlarning o‘ziga xos kombinatsiyasiga qaramay, serial tanqidchilar tomonidan yuqori baholanadi. Serial voqealari XVII asr boshlarida sodir bo‘lganligi sababli bu dahshatlar fonida hokimiyat uchun davom etayotgan kurash ham bor.
IMDb reytingi - 8.3
“Olti ajdar”
Agar seriallarning juda tez tugashi yoqmasa, Koreya tarixiga asoslangan ushbu 50 qismli film aynan siz uchun. Unda Choson davlatining tashkil topishi haqida hikoya qilinadi. Sarlavhada tilga olingan ajdarlar allegorik tarzda uning oltita asoschisini ifodalaydi. Bu yosh shahzoda Li Bangvon haqidagi — uning ambitsiyalari, muvaffaqiyatlari va mojarolari tasvirlangan uzun hikoya.
IMDb reytingi - 8,8
“Ilonlar malikasi”
14 yoshida Yekaterina Medichi bo‘lajak fransuz qiroli Genrix II ga turmushga chiqadi. Saroyga kelgan yosh kelin erining o‘zidan katta ayolni sevib qolganini, lekin u ayol farzand ko‘ra olmasligini bilib qoladi. Ammo ajoyib aql-zakovati va intrigalarni to‘qish san’ati tufayli Yekaterina nafaqat nikohini saqlab qolishga, balki 30 yil davomida Fransiyani boshqarishga muvaffaq bo‘ladi. Yuqori reytinglar tufayli serialning 2-mavsumi ham suratga olingan.
IMDb reytingi - 7,7
“Bo‘sh toj”
Uilyam Shekspirning hokimiyat, siyosat va oila haqidagi tarixiy pyesalari asosida suratga olingan bir nechta kinofilmlar “Bo‘sh toj” umumiy nomi ostida ekranlashtirilgan. Serialga “Richard II”, “Genrix IV”. 1-qism”, “Genrix IV. 2-qism” va “Genri V” filmlari kiradi. Serialda uch qirolning yuksalishi va qulashi, ular tarixni qanday shakllantirgani haqida hikoya qilinadi.
IMDb reytingi - 8.2
“Ajdaholar qurgan uy”
Va nihoyat “Ajdaho uyi”ning yaratilishi haqidagi hujjatli film. Jorj R.R.Martin olamining muxlislari sahna ortida nimalar sodir bo‘lganini, yangi afsona qanday yaratilganini va suratga olish guruhining bu serialga qanchalik mehnatlari singganini ko‘rishadi.
IMDb reytingi - 8.2
Izoh (0)