Toshkent shahri, Mirzo Ulug‘bek tumani, Yangi O‘zbekiston ko‘chasida 16-iyul kuni soat 01:00 larda YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.
Maʼlum qilinishicha, YTH haydovchi (voyaga yetmagan, haydovchilik guvohnomasiga ega emas) 2007-yilda tug‘ilgan M.T. boshqaruvidagi JAC, haydovchi 1994-yilda tug‘ilgan B.Y. boshqaruvidagi Tracker, haydovchi 2003-yilda tug‘ilgan O.N. boshqaruvidagi Spark avtomashinalari ishtirokida sodir bo‘lgan.
Hodisa oqibatida tan jarohati olganlar yo‘q.
Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
