Futbol bo‘yicha Germaniyada Yevropa chempionati 14-iyunda boshlanadi. UEFA Yevro—2024 ochilish o‘yiniga hakamlarni tayinladi.
A guruhidan o‘rin olgan Germaniya va Shotlandiya terma jamoalari o‘rtasidagi o‘yinni Kleman Turpin boshchiligidagi fransiyalik hakamlar brigadasi boshqarib boradi. Uning yordamchisi sifatida Nikolas Danault va Benjamin Peyj, zaxira hakami o‘rnida Fransua Leteksier ishlaydi.
Jerom Brisard VAR tizimiga rahbarlik qiladi, unga Villi Delajo va italiyalik Massimiliano Irrati yordam beradi.
Ma’lumot uchun, Germaniya — Shotlandiya o‘yini 14-iyun kuni bo‘lib o‘tadi va Toshkent vaqti bilan 00:00 da boshlanadi.
Yevropa chempionatining amaldagi g‘olibi Londondagi “Uembli” stadionida bo‘lib o‘tgan finalda Angliya terma jamoasini mag‘lub etgan Italiya terma jamoasi hisoblanadi. G‘olib nomi penaltilar seriyasida hal aniqlangan.
Izoh (0)