Ukrainaga harbiy yordam uchun 6,5 milliard yevroga yaqin mablag‘ ajratilishi Vengriya uchun nomaqbuldir. Bu haqda Vengriya TIV rahbari Peter Siyarto Bryusselda bo‘lib o‘tgan YI kengashida aytib o‘tdi.
Siyarto, shuningdek, ijtimoiy tarmoqlarda hamkasblari tomonidan katta bosimga duch kelganini yozgan. Budapesht tomonidan bloklangan summaga Yevropa tinchlik jamg‘armasidan (YTJ) har biri 500 million yevrodan iborat uchta transh, shuningdek, yaqinda YTJ doirasida tashkil etilgan Ukrainaga yangi yordam fondidan 5 milliard yevro kiradi.
Yevropa Ittifoqi diplomatiyasi rahbari Josep Borrelning so‘zlariga ko‘ra, YI Kengashi 27-may kuni Rossiya Markaziy bankining muzlatib qo‘yilgan aktivlaridan olingan tushumlardan foydalanish bo‘yicha huquqiy hujjatlarni ma’qullagan.
YI davlatlari g‘oyalar va tamoyillar bo‘yicha kelishib olgan, ammo hozir ba’zilar mavjud pul ajratilishiga yo‘l qo‘ymaslik uchun veto huquqidan foydalanmoqda, — dedi manba.
Borrell yetakchi davlatlar Ukrainaga harbiy yordam fondini yaratishga mart oyida rozilik bildirgani, ammo bu hali ham ish bermaganini qo‘shimcha qilgan. U bu masalalar Yevropa Ittifoqi elchilarining navbatdagi yig‘ilishida hal etilishi mumkinligiga umid bildirgan.
Izoh (0)