G‘azo sektorida Isroil tomonidan amalga oshirilgan harbiy amaliyotlar oqibatida kamida 723 nafar sog‘liqni saqlash xodimi halok bo‘lgan. Bu haqda Jahon sog‘liqni saqlash tashkiloti hisobotiga asoslanib, Al Jazeera nashri xabar berdi.
Manbada aytilishicha, Isroil G‘azodagi sog‘liqni saqlash muassasalariga operatsiya boshidan beri kamida 450 ta hujum uyushtirgan. Buning oqibatida 723 nafar tibbiyot xodimi halok bo‘lgan.
Rasmiylar jarohatlangan tibbiyot xodimlari soni kamida 924 nafar atrofida ekanini bildirishgan. 100 dan ortiq tibbiyot xodimi esa bedarak yo‘qolgan deb hisoblanadi.
Birlashgan Millatlar Tashkiloti xabar berishicha, hujumlar anklavning sog‘liqni saqlash tizimini butkul izdan chiqargan. Hozirda G‘azodagi shifoxonalarining hech biri to‘liq quvvat bilan ishlamayapti.
Shu bilan birga, G‘azoda aholining haddan tashqari ko‘pligi va sanitariya sharoitlari yo‘qligi sababli yuqumli kasalliklar har qachongidan ham tez tarqalmoqda. Jahon sog‘liqni saqlash tashkiloti G‘azodagi gumanitar inqiroz sharoitida qariyb 1,5 millionga yaqin falastinlik suvchechak va gepatit infeksiyasi bilan zararlanganini maʼlum qilgan.
Izoh (0)