Moskva viloyatida joylashgan hostellardan birida 23-may kuni yong‘in kelib chiqqandi. “Dunyo” agentligi hodisa oqibatida halok bo‘lganlar orasida o‘zbekistonliklar ham borligini ma’lum qildi.
O‘zbekistonning Moskvadagi elchixonasi konsullik bo‘limining dastlabki maʼlumotlariga ko‘ra, yonib ketgan hostelda 20 ga yaqin xorijlik yashagan, ulardan 11 nafari O‘zbekiston fuqarolari bo‘lgan.
Hodisa oqibatida 8 kishi halok bo‘lgan. Ayni paytda ularning shaxsiga aniqlik kiritilmoqda. Qurbonlar orasida o‘zbekistonliklar ham bor. Halok bo‘lganlarning shaxsiga aniqlik kiritish maqsadida jasadlar Istra shahar sud-tibbiyot ekspertizasi byurosiga yuborilgan.
Qayd etilishicha, vaziyat elchixonaning konsullik bo‘limi va Tashqi mehnat migratsiyasi agentligining Moskvadagi vakolatxonasi nazoratiga olingan.
Holat yuzasidan jinoyat ishi qo‘zg‘atilgan.
Izoh (0)