Germaniya Daniya bilan qo‘shma loyiha doirasida Ukrainaga 10 ta Leopard 1A5 tanklarini yetkazib berdi. Bu haqda Germaniya hukumati saytida xabar berildi.
Harbiy yordam paketiga, shuningdek, 54 ta “Vektor” va Heidrun razvedkachi dronlari, 8,5 mingta 155 mm artilleriya snaryadlari va Leopard-2, Dachs tanklari hamda Marder piyoda jangovar mashinalari uchun 20 ta MG3 pulemyotlari kiradi.
Bundan tashqari, xabar qilinishicha, uchta HIMARS raketa tizimi ham Kiyevga yetkazib berishga tayyorlanmoqda.
Avvalroq Germaniya tashabbusi doirasida Ukraina havo hujumidan mudofaa kuchlarini qo‘llab-quvvatlash uchun deyarli 1 milliard yevro yig‘ilgani ma’lum qilingandi.
Shuningdek, 2025-yilda Germaniya Mudofaa vazirligi Kiyevga yordam berish uchun hukumatdan rekord miqdorda 15 milliard yevro so‘rashi mumkinligi xabar berilgan.
Izoh (0)