Portugaliyalik murabbiy Joze Mourinyo “Fenerbahche” bosh murabbiyiga aylanishi mumkin.
Sabah nashrining ma’lum qilishicha, Istanbul klubi hozirgi bosh murabbiy Ismoil Kartalga o‘rinbosar izlamoqda va allaqachon Joze bilan aloqaga chiqqan. Xabarga ko‘ra, Mourinyo “Fenerbahche”ni boshqarishga qarshi emas.
Eslatib o‘tamiz, mutaxassisning so‘nggi klubi “Roma” bo‘lib, u 2024-yilning yanvarida uni tark etgan. Joze Italiya klubini 2021-yilda qabul qilib olgan edi.
Mourinyo qo‘l ostida “Roma” jami 96 ta o‘yin o‘tkazgan. Ularda rimliklar 44 marta g‘alaba qozongan, 23 marta durang o‘ynab va 29 marta mag‘lubiyat alamini totib ko‘rgan.
Avvalroq Mourinyo “Tottenhem”, “Manchester Yunayted”, “Chelsi”, “Real”, “Inter”, “Portu”, “Leyriya” va “Benfika” klublarini ham boshqargan.
Izoh (0)