Buyuk Britaniya ehtimoliy harbiy harakatlarga tayyor emas, tayyorgarlik ko‘rish uchun hozircha bunga ehtiyoj ham yo‘q.
Bu haqda mamlakat mudofaa vaziri o‘rinbosari Jeyms Xippi The Telegraph nashrida chop etilgan maqolada ma’lum qilgan.
“Urush haqidagi gap-so‘zlarning ortib borayotgani xavotirli bo‘lib tuyulishi mumkin. Ammo biz uchinchi jahon urushi yoqasidamiz, deb o‘ylamayman. Men mudofaa vaziri Grant Shappsning Ukrainadagi mojaro boshlanganidan beri biz Sovuq urushdan keyingi davrga o‘tganimiz haqidagi gaplariga qo‘shilaman”, — deydi Xippi maqolada.
Uning so‘zlariga ko‘ra, xuddi hovlidagi o‘yin maydonchasida bo‘lgani kabi, urushni qo‘zg‘atish uchun ham xuddi shunday qoidalar qo‘llanadi: siz g‘alaba qozonishingizga ishonchingiz komil bo‘lmaganda jangga kirmaysiz. Xippi strategik mustahkamlik Buyuk Britaniya suverenitetining asosi ekanligini ta’kidladi.
“Suverenitet bu — boshqa davlatlar majburlashisiz o‘z tanlovimizni amalga oshirish qobiliyatidir. Suverenitetni ushlab turish uchun chidamlilik kerak”, — dedi Jeyms Xippi.
Izoh (0)