AQSH harbiy-havo kuchlari Tinch okeanida havodan uchiriladigan gipertovushli AGM-183 ARRW qanotli raketani muvaffaqiyatli sinovdan o‘tkazdi. Bu haqda Reuters xabar berdi.
Sinovlar davomida B-52 bombardimonchi samolyoti Tinch okeanidagi Guam orolini tark etib, gipertovushli qanotli raketani uchirgan. AQSH Harbiy-havo kuchlari sinovni muvaffaqiyatli deb atagan, biroq raketa qanday tezlikda uchganini oshkor qilmagan.
O‘tgan sinovlar davomida AGM-183 ARRW raketasi tovush tezligidan (1191 km/soat) besh barobar tezroq tezlikka erishgan. AQSH tezligi sababli aniqlash qiyin bo‘lgan gipertovushli qurollarni yaratayotgan yagona davlat emas.
Rossiya Ukrainadagi nishonlarga gipertovushli raketalar uchirgan, Xitoy esa gipertovushli qurollarni sinovdan o‘tkazgan, — deydi AQSH harbiylari.
Xitoy Tashqi ishlar vazirligi oktyabr oyida mamlakat bunday qurolni sinovdan o‘tkazganini rad etgan.
