“O‘zenergoinspeksiya” tomonidan Bosh prokuratura, DXX va IIV xodimlari bilan hamkorlikda Jizzax viloyatida o‘tkazilgan tezkor nazorat tadbirida elektr energiyasidan noqonuniy foydalanish holatlari aniqlandi.
Xususan, Sharof Rashidov tumanida istiqomat qiluvchi fuqaro B.M. (o‘z yashash xonadonida) va Jizzax shahrida istiqomat qiluvchi fuqaro O.O. (o‘ziga tegishli sartaroshxonaning qo‘shimcha xonasida) kripto-aktiv va mayning qurilmalarni to‘g‘ridan to‘g‘ri elektr tarmog‘iga ulab, noqonuniy ravishda foydalanib kelayotgani maʼlum bo‘lgan.
Dastlabki qayta hisob-kitoblarga ko‘ra, ushbu noqonuniy foydalanish holatlari natijasida davlat manfaatlariga 490 million so‘mlik zarar yetkazilgani aniqlangan.
Qoidabuzar isteʼmolchilarga nisbatan belgilangan tartibda choralar ko‘rish uchun tegishli hujjatlar rasmiylashtirilib, huquqni muhofaza etuvchi organlarga taqdim qilingan.
Avvalroq poytaxtda elektr energiyasiga noqonuniy tarzda ulanib, 1,5 milliard so‘mlik zarar yetkazgan mayning ferma aniqlangani to‘g‘risida xabar berilgandi.
Izoh (0)