O‘zbekistonda dizel yoqilg‘isi narxi arzonlashtiriladi. Bu haqda “O‘zbekneftgaz” raisi Bahodir Siddiqov aholiga yo‘llagan videomurojaatida maʼlum qildi.
Bahodir Siddiqovning aytishicha, 12-fevral kuni prezident boshchiligida o‘tkazilgan yig‘ilishda dizel narxini arzonlashtirish topshirig‘i berilgan.
“Qishloq xo‘jaligida dizel yoqilg‘isi sotib olish asosiy xarajatlardan hisoblanadi. Yig‘ilishda “O‘zbekneftgaz” oldiga 2024-yilda 680 ming tonna dizel yoqilg‘isi ishlab chiqarish, shu bilan birga, mahsulotni arzonlashtirilgan narxda fermer xo‘jaliklariga yetkazib berish vazifasi qo‘yildi. Biz joriy yilda 2023-yilga nisbatan qo‘shimcha 200 ming tonna dizel yoqilg‘isini ishlab chiqarishni rejalashtirganmiz. Bir hafta mobaynida barcha hisob–kitoblarni yakunlab, dizelning birjaga qo‘yiladigan narxini 15 foizga kamaytirish bo‘yicha hamma choralarni ko‘ryapmiz”, — dedi kompaniya rahbari.
Eslatib o‘tamiz, avvalroq 2023-yil 12-iyuldan boshlab Respublika tovar-xom ashyo birjasi orqali sotuvga qo‘yiladigan sintetik dizel yoqilg‘isi bir tonnasining boshlang‘ich narxi 10 ming 116 972 so‘mdan 9 ming 499 so‘mgacha arzonlashtirilgandi. Shu bilan birga, “O‘zbekneftgaz” AJ yarim sintetik dizel yoqilg‘isining narxi bir tonna uchun 13 ming 488 so‘mdan 11 ming 673 so‘mgacha pasaytirilgan.
Izoh (0)