Davlat aktivlarini boshqarish agentligi “Paxtakor futbol klubi” masʼuliyati cheklangan jamiyatining davlat ulushi savdoga chiqargani to‘g‘risida xabar berilgandi. Agentlikka ko‘ra, hozirda ommaviy savdo jarayonlari vaqtincha to‘xtatilgan.
Tegishli xususiylashtirish dasturlariga muvofiq,16-yanvar kuni Davlat aktivlarini boshqarish agentligining rasmiy veb-saytida “Paxtakor futbol klubi” MCHJning 100 foiz davlat ulushi bo‘yicha ommaviy savdo jarayonlari boshlanganligi to‘g‘risida eʼlon berilgan edi.
Klubni sotib oluvchi xaridor keyinchalik quyidagi talablarga rioya qilishi kerak edi:
- futbol klubining faoliyatini saqlab qolish, rivojlantirish va xalqaro darajaga olib chiqish;
- futbol klubi balansidagi barcha sport obyektlaridan, shu jumladan, futbol maydonidan faqatgina sport faoliyati yo‘nalishlarida foydalanish;
- “Paxtakor” futbol klubi akademiyasi faoliyatini saqlab qolish va rivojlantirish.
O‘tgan davr mobaynida jamoatchilik tomonidan bildirilgan fikrlarni o‘rgangan holda, “Paxtakor futbol klubi” MChJning 100 foiz davlat ulushi bo‘yicha ommaviy savdo jarayonlari vaqtinchalik to‘xtatildi, — deyiladi xabarda.
Eslatib o‘tamiz, O‘zbekistonda 2020-yilni eng ko‘p zarar bilan yakunlagan davlat korxonalari reytingida “Paxtakor” ham bor edi. Futbol klubi ro‘yxatning 9-pog‘onasidan o‘rin egallagan o‘shanda. Klub 2020-yilni 82,7 milliard so‘m zarar bilan yopgan.
Izoh (0)